વૈશ્વિક બજારોના સારા સંકેતોને કારણે તેજી
સેન્સેક્સના મોટાભાગના શેરોમાં તેજી છે
આંતરરાષ્ટ્રીય બજારોમાં બજારો ખોલવા
ભારતીય શેરબજારની શરૂઆત આજે ગ્રીન ઝોનમાં થઈ છે. વૈશ્વિક બજારોમાંથી મળેલા સારા સંકેતોને કારણે આજે ભારતીય શેરબજારની શરૂઆત ઉપલા મથાળે તેજી સાથે થઈ હતી. BSE સેન્સેક્સ આજે 317 પોઈન્ટના વધારા સાથે 59,103.72 પર ખુલ્યો હતો અને ટુંક સમયમાં 411 પોઈન્ટ વધીને 59,197.03 પર પહોંચ્યો હતો. આ જ રીતે, નેશનલ સ્ટોક એક્સચેન્જનો નિફ્ટી 108 પોઈન્ટની તેજી સાથે 17,619 પર ખુલ્યો હતો અને ટૂંકા સમયમાં 17,639.50 પર પહોંચ્યો હતો.
ભારતીય શેરબજારમાં છેલ્લાં કેટલાંક દિવસથી સતત વોલેટાલિટી જોવા મળી રહી છે તેની પાછળ એમિક્રોનનો ફફડાટ જવાબદાર છે તેવું નિષ્ણાતોનું કહેવું છે.
પાવર ગ્રીડ, એસબીઆઈ સહિતના મોટાભાગના શેરોમાં ખૂલતા બજારમાં તેજી જોવા મળી
આજે સેન્સેક્સના મોટાભાગના શેરોમાં ઉછાળો જોવા મળી રહ્યો છે. પાવર ગ્રીડમાં 3 ટકાથી વધુ તેજી સાથે ટ્રેડ થઇ રહ્યો હતો. આ સિવાય એક્સિસ બેંક અને ટેક મહિન્દ્રામાં પણ સારી વૃદ્ધિ જોવા મળી રહી છે. સ્ટેટ બેંક ઓફ ઈન્ડિયા (SBI)ના શેરમાં પણ આજે વધારો જોવા મળી રહ્યો છે. ઘટતા શેરોમાં બજાજ ફાઇનાન્સ, રિલાયન્સ ઇન્ડસ્ટ્રીઝ, બજાજ ફિનસર્વ, નેસ્લે વગેરેનો સમાવેશ થાય છે.
આંતરરાષ્ટ્રીય બજારમાં તેજી તરફી વલણ
સોમવારે સપ્તાહના પ્રથમ ટ્રેડિંગ સેશનમાં જાપાનનો નિક્કેઇ 225 પ્રારંભિક ટ્રેડિંગ સેશનમાં 0.86% અને ટોપિક્સ 0.51% વધ્યો. શરૂઆતના સેશનમાં દક્ષિણ કોરિયાનો કોસ્પી 0.53% અને ઓસ્ટ્રેલિયાનો ASX 200 0.39% વધ્યો.
યુએસ માર્કેટની વાત કરીએ તો શુક્રવારે S&P 500 ઓલ ટાઇમ હાઇ સપાટી પર બંધ રહ્યો હતો. ડાઉ જોન્સ ઇન્ડસ્ટ્રિયલ એવરેજ 0.6%, S&P 500 0.95% અને Nasdaq Composite 0.73% વધ્યો.
શુક્રવારે નીચલા મથાળે બંધ રહ્યા હતા
ગયા સપ્તાહના છેલ્લા ટ્રેડિંગ દિવસે એટલે કે શુક્રવારે ભારતીય શેરબજાર રેડ ઝોનમાં બંધ રહ્યા હતા. કોરોનાના નવા વેરિઅન્ટ Omicronના દબાણ વચ્ચે પ્રોફિટ બુકિંગે શુક્રવારે બજારને રિકવર થવા દીધું નહોતું. સ્થાનિક શેરબજારે ઘટાડા સાથે જ ટ્રેડિંગ શરૂ કર્યું હતું અને લગભગ તે મોટાભાગના સમયમાં રેડ ઝોનમાં રહ્યું હતું.
શુક્રવારના ટ્રેડિંગ સેશન પૂરું થયા બાદ BSE સેન્સેક્સ 20.46 પોઈન્ટ્સ અથવા 0.03 ટકાના નજીવા ઘટાડા સાથે 58,786.67 પર બંધ થયો હતો. NSE નિફ્ટી પણ 5.55 પોઈન્ટ અથવા 0.03 ટકાના ઘટાડા સાથે 17,511.30 પર બંધ રહ્યો હતો.
HBN TV NEWS
