ડિસેમ્બરની સવારે જ મોંઘવારીનો વધુ એક માર
ગેસ સિલિન્ડરના ભાવમાં ફરી એક વાર ધરખમ ભાવ વધારો
કર્મશિયલ સિલિન્ડરના ભાવમાં થયો 100 રૂ. નો વધારો
દેશમાં ડિસેમ્બરના પહેલા જ દિવસે પેટ્રોલિયમ કંપનીઓએ સામાન્ય માણસને મોંઘવારીનો ઝટકો આપ્યો છે. દેશમાં કર્મશિયલ સિલિન્ડરના ભાવમાં 100 રૂપિયાનો ધરખમ વધારો થયો છે. તેનાથી રેસ્ટોરન્ટની ખાણી પીણી મોંઘી થઈ શકે છે.
કર્મશિયલ સિલિન્ડરના ભાવમાં ધરખમ વધારો
ડિસેમ્બરના પહેલા દિવસે જ પેટ્રોલિયમ કંપનીઓએ સામાન્ય માણસને મોટો ઝટકો આપ્યો છે. દેશમાં કર્મશિયલ સિલિન્ડરના ભાવમાં 100 રૂપિયાનો વધારો કરી દીધો છે. તેનાથી હવે રેસ્ટોરન્ટમાં જમવાનું મોંઘું થઈ શકે છે.
જાણો શું રહેશે સિલિન્ડરના નવા ભાવ
આ વધારા સાથે હવે દિલ્હીમાં 19 કિલોના કોમર્શિયલ સિલિન્ડરની કિંમત 2101 રૂપિયા થઈ ગઈ છે. નવેમ્બર મહિનામાં આ કિંમત રૂ. 2000.50 હતી. જોકે, ઘરેલુ વપરાશ માટે 14.2 કિલો એલપીજીની કિંમતમાં કોઈ વધારો કરવામાં આવ્યો નથી, તેથી થોડી રાહત છે. કોમર્શિયલ સિલિન્ડરની કિંમત રેસ્ટોરન્ટના માલિકો પર બોજ વધારે છે અને તેની સીધી અસર તેમના ગ્રાહકો પર પ્લેટના ભાવ વધારાના રૂપમાં થાય છે એટલે કે રેસ્ટોરન્ટ ખાણી-પીણી મોંઘી થઈ શકે છે.
આશા પર ફરી વળ્યું પાણી
નોંધનીય છે કે ઘરેલુ એલપીજી અને કોમર્શિયલ સિલિન્ડર બંનેની કિંમતો ઘણી વધારે છે. ઘણા રાજકારણીઓએ કહ્યું કે એક્સાઈઝ ડ્યુટીના ભાવથી પેટ્રોલ અને ડીઝલ બંનેના ભાવમાં ઘટાડો થયો છે. પરંતુ હવે મોદી સરકારે પ્રયાસ કરવો જોઈએ કે એલપીજી સિલિન્ડરની કિંમત પણ ઓછી કરવામાં આવે. લોકોને એટલા માટે આશા હતી કે યૂપી, પંજાબ સહિત 5 રાજ્યોમાં વિધાનસભાની ચૂંટણીને ધ્યાનમાં રાખીને સરકાર થોડી રાહત આપશે, પરંતુ કંપનીઓએ તેનાથી વિપરીત ભાવમાં ધરખમ વધારો જોવા મળ્યો છે.
સતત વધી રહ્યા છે ગેસ સિલિન્ડરના ભાવ
કોમર્શિયલ સિલિન્ડરની કિંમતમાં સતત વધારો થઈ રહ્યો છે. ગયા મહિને પણ તેમાં રૂ. 266નો વધારો થયો હતો. આ વધારા સાથે હવે દિલ્હીમાં 19 કિલોના કોમર્શિયલ સિલિન્ડરની કિંમત 2101 રૂપિયા થઈ ગઈ છે. કોલકાતામાં 2177 રૂપિયા, મુંબઈમાં 2051 રૂપિયા અને ચેન્નાઈમાં 2234 રૂપિયા છે. જો કે ઓઈલ કંપનીઓએ ઘરેલુ ગેસના ભાવમાં હાલમાં વધારો ન કરીને થોડી રાહત આપી છે, પરંતુ પછીથી તેમાં વધારો પણ થઈ શકે છે. ગયા મહિને જ એવું નોંધવામાં આવ્યું હતું કે કિંમત કરતાં ઓછી કિંમતે ઘરેલુ એલપીજી સિલિન્ડર વેચવાને કારણે થતું નુકસાન હવે પ્રતિ સિલિન્ડર 100 રૂપિયાને વટાવી ગયું છે.
HBN TV NEWS
