હવે વીડિયો કોલિંગ દ્વારા એક નવું કૌભાંડ સર્જાયું છે
પહેલા નગ્ન ફોટો બતાવે છે અને પછી
બ્લેકમેલ કરે છે ડિજિટલ પેમેન્ટમાં રૂપિયાની માંગ
ફેસબુક મેસેન્જર અને વોટ્સએપ પર એક નવું કૌભાંડ ચાલી રહ્યું છે. આમાં, સ્કેમર્સ યુઝરને વીડિયો કોલ કરીને અશ્લીલ હરકતો કરે છે અને પછી સ્ક્રીન રેકોર્ડ કરી લે છે. ત્યારબાદ તેઓ વીડિયો લીક કરવાની ધમકી આપીને યુઝર પાસેથી પૈસાની માંગણી કરે છે.
સામેની તરફ એક નગ્ન છોકરી હતી. જ્યાં સુધીમાં તેઓ કોલ ડિસ્કનેક્ટ કરે ત્યાં સુધીમાં તો સાયબર અપરાધીઓએ પ્રોફેસરનો નગ્ન ફોટો જોતો વીડિયો બનાવી લીધો. ત્યારપછી તેઓએ હેરાનગતિ શરૂ કરી દીધી. સાયબર અપરાધીઓએ વીડિયો કૉલના સ્ક્રીનશૉટ્સ મેસેન્જર પર મોકલવાનું શરૂ કરી દીધું.
ડરના કારણે તેણે તરત જ તે યુઝરને બ્લોક કરી દીધો. એક કલાક પછી પ્રોફેસરનો ઓડિયો કોલ આવ્યો, ફોન કરનારે તેમની પાસેથી 20,000 રૂપિયાની માંગણી ડિજિટલ પેમેન્ટ દ્વારા કરી. આ પૈસા 5 મિનિટની અંદર મોકલવાનું પણ કહેવામાં આવ્યું.
જો પૈસા ન મળ્યા તો સ્ક્રીનશોટ ફેસબુક પર શેર કરવાની અને મિત્રો અને પરિવારજનોને બતાવવાની ધમકી આપવામાં આવી. તેમણે કહ્યું કે ગભરાટમાં તેમણે ફેસબુક એકાઉન્ટ ડિએક્ટીવેટ કરી દીધું. તે પછી કંઈ થયું નહીં પરંતુ તેઓ હજી પણ આ વાતથી ચિંતિત છે.
વોટ્સએપ અને ફેસબુક મેસેન્જર પર આવા વીડિયો કોલ સ્કેમ વધી રહ્યા છે. સાયબર નિષ્ણાતોના મતે આ મોબાઈલ ફ્રોડની આખી ગેંગ હોય છે. આવા વોટ્સએપ વિડીયો કોલ પછી તેઓ લોકો પાસેથી પૈસાની માંગણી કરે છે.
રિપોર્ટ અનુસાર આ ગેંગ હરિયાણાના મેવાતથી ઓપરેટ થાય છે. આ ઉપરાંત તેમની ગેંગના સભ્યો ભીવાડી, તિજારા, કિશનગઢ બાસ, રામગઢ, લક્ષ્મણગઢ અને ગોવિંદગઢ જેવા વિસ્તારોમાં ફેલાયેલા છે.
એક સાયબર એક્સપર્ટ જણાવ્યું કે જો પીડિત તેમની માંગ તાત્કાલિક પૂર્ણ નહીં કરે, તો એવી શક્યતાઓ છે કે તેઓ પોર્ન વીડિયોને અન્ય લોકો સાથે શેર કરશે નહીં. આમ કરવાથી તેમની મુશ્કેલી વધી શકે છે. એવામાં પીડિતે તાત્કાલિક નજીકની સાયબર પોલીસનો સંપર્ક કરવો જોઈએ.
HBN TV NEWS
