સુનિલ શેટ્ટી નથી ખાતો ઘઉં, મેંગ્લોરથી મંગાવે છે બ્રાઉન રાઈસ

રોજ બે કલાક કરે છે વર્ક-આઉટઃ
સુનિલ શેટ્ટી રોજ સવારે પાંચ વાગે ઉઠી જાય છે. તે બે કલાક સુધી વર્ક આઉટ કરે છે. એક કલાક સુધી યોગ તથા પ્રાણાયમ કરે છે. આ કર્યાં બાદ તે જીમમાં 45-50 મિનિટ પસાર કરે છે. ઉંમર વધતા સુનિલ શેટ્ટીએ હેવી વેઈટ ટ્રેનિંગ લેવાનું બંધ કરી દીધું છે. તે હવે લાઈટ વેઈટ્સ સાથે 20 રેપ્સના ત્રણથી ચાર સેટ કરે છે. સુનિલ શેટ્ટી માને છે કે જેટલાં રેપિટિશન વધુમાં વધુ કરવામાં તેટલો ફાયદો વધુ થાય છે. રિયલ વર્ક આઉટ તો 20 રેપિટિશન બાદ જ શરૂ થાય છે. અઠવાડિયામાં ચાર દિવસ 45 મિનિટ વેઈટ ટ્રેનિંગ કરે છે.

શનિવાર આખો દિવસ હોય છે ચીટ ડેઃ
સુનિલ શેટ્ટી અઠવાડિયામાં એક દિવસ શનિવારે આખો દિવસ ચીટ ડે રાખે છે. તે દિવસે બહાર જમવા પણ જાય છે. તેને જે જમવું હોય તે જમે છે.