ગુજરાતમાં આ વર્ષે 19,09,855 હેક્ટર જમીનમાં મગફળીનું વાવેતર કરવામાં આવ્યું છે.
ગુજરાત સ્ટેટ એડિબલ ઓઈલ્સ એન્ડ ઓઈલ સિડ્સ એસો.એ પ્રથમ વખત આંકડા જાહેર કર્યા.
રાજકોટ સહિત સમગ્ર સૌરાષ્ટ્ર અને ગુજરાતમાં ચોમાસાની સિઝનના છેલ્લા મહિનામાં વ૨સેલા અનરાધાર વરસાદના પગલે કૃષિપાકનું ચિત્ર બદલી નાખ્યું છે. જેની સીધી અસ૨ મગફળીના પાક પર જોવા મળી છે. ચાલુ વર્ષે મગફળીની રેકોર્ડબ્રેક 33.44 લાખ ટનનો પાક ઉત્પાદન થવાનો અંદાજ જાહે૨ કરવામાં આવ્યો છે. ખાદ્યતેલ-તેલીબીયાના સંગઠન ગુજરાત સ્ટેટ એડિબલ ઓઈલ્સ એન્ડ ઓઈલ સીડ્સ એસોસિએશન દ્વારા સૌપ્રથમ મગફળીના ઉત્પાદનનો અંદાજ જાહેર કરવામાં આવ્યો છે. આ વર્ષે સૌથી વધુ મગફળીનું ઉત્પાદન રાજકોટમાં 5.08 અને સૌથી ઓછુ બોટાદમાં 32 હજાર ટન થશે.
મગફળી ઉત્પાદનમાં રાજકોટ મેદાન મારી જશે
ગુજરાત સ્ટેટ એડિબલ ઓઈલ્સ એન્ડ ઓઈલ સિડ્સ એસોસિએશનના પ્રમુખ સમી૨ શાહના જણાવ્યા મુજબ, વાતાવ૨ણ સ્વચ્છ થયા બાદ રાજ્યભરમાં જાણકારો મા૨ફત સર્વે હાથ ધ૨વામાં આવ્યો હતો અને તેના આધારે 33.44 લાખ ટનનો ઉત્પાદનનો અંદાજ જાહેર કરવામાં આવ્યો છે. જેમાં મગફળી ઉત્પાદનમાં રાજકોટ મેદાન મારી જાય તેમ છે.
સૌથી વધુ ઉત્પાદન રાજકોટ જિલ્લામાં થશે
રાજકોટમાં મગફળીનું ચાલુ વર્ષે 5.08 લાખ ટનનું સૌથી વધુ ઉત્પાદન થાય તેવો અંદાજ આંકવામાં આવ્યો છે. આ સિવાય અમરેલીમાં 3.50 લાખ ટન, બોટાદમાં 0.32 લાખ ટન, ભાવનગ૨માં 1.90 લાખ ટન, જામનગ૨માં 3.22 લાખ ટન, દેવભૂમિ દ્વા૨કામાં 3.80 લાખ ટન, જૂનાગઢમાં 4.22 લાખ ટન, ગી૨સોમનાથમાં 0.80 લાખ ટન, પો૨બંદ૨માં 1.38 લાખ ટન, મો૨બીમાં 0.98 લાખ ટન, સુરેન્દ્રનગરમાં 1.00 લાખ ટન, કચ્છમાં 0.68 લાખ ટન, સાબ૨કાંઠામાં 1.58 લાખ ટન, અ૨વલ્લીમાં 1.25 લાખ ટન, બનાસકાઠામાં 2.09 લાખ ટન તથા અન્ય જિલ્લાઓમાં 0.69 લાખ ટન પાક થવાનો અંદાજ છે.
19.09 લાખ હેક્ટ૨માં મગફળીનું વાવેત૨
ઉલ્લેખનીય છે કે ચાલુ વર્ષે 19.09 લાખ હેક્ટ૨માં મગફળીનું વાવેત૨ થયું હતું. ચોમાસાની ઋતુ શરૂ થયાથી શ્રાવણ માસ પૂરો થયા સુધી વરસાદ ન વરસતા ખેડૂતોની ચિંતામાં વધારો થયો હતો. જોકે ભાદરવામાં ભરપૂર થતા ખેડૂતોની ચિંતા દૂર થઇ ગઇ હતી.
ગુજરાતમાં 19,09,855 હેક્ટરમાં મગફળીનું વાવેતર
| જિલ્લાનું નામ | વાવેતર (હેક્ટરમાં) | ઉત્પાદન (લાખ ટનમાં) |
| અમરેલી | 1,88,800 | 3.5 |
| બોટાદ | 21,300 | 0.32 |
| ભાવનગર | 1,17,000 | 1.9 |
| જામનગર | 1,84,100 | 3.22 |
| દેવભૂમિ દ્વારકા | 2,18,400 | 3.82 |
| જૂનાગઢ | 2,24,300 | 4.21 |
| ગીર સોમનાથ | 90,000 | 1.8 |
| પોરબંદર | 78,800 | 1.38 |
| મોરબી | 78,800 | 0.98 |
| રાજકોટ | 2,71,000 | 5.08 |
| સુરેન્દ્રનગર | 50,700 | 1.01 |
| કચ્છ | 38,900 | 0.68 |
| સાબરકાંઠા | 75,600 | 1.51 |
| અરવલ્લી | 66,600 | 1.25 |
| બનાસકાંઠા | 1,39,500 | 2.09 |
| પાટણ, મહેસાણા, ગાંધીનગર અને અન્ય જિલ્લા | 55,055 | 0.69 |
| કુલ | 19,09,855 | 33.44 |
HBN TV NEWS
