ધોધમાર:પાટણમાં મધરાત્રે મેધમહેર થતાં નાળા અને નીચાણવાળા વિસ્તારો ફરી પાણીથી છલકાયા

                પાટણ શહેરમાં રાત્રે 3 વાગ્યાથી 4:30 વાગ્યા સુધી અવિરત વરસાદ વરસ્યો હતો. જેમાં રેલવે ગરનાળા, કોલેજ રોડ પર બનાવાયેલ અંડરબિજ, કેકે ગર્લ્સ હાઈસ્કૂલ, ઝવેરી બજાર, બુકડી, રાજકા વાડા, બી એમ હાઈસ્કૂલ રોડ, પારેવા સર્કલ અને પિતાબમર તળાવ સહિતના નિચાણવાળા વિસ્તારો પાણી ભરાઈ ગયા હતા. ગ્રામ્ય વિસ્તારોમાં પણ ઘોઘમાર વરસાદ વરસતા ખેતરોમાં પાણી ભરાયાં હોવાનું ખેડૂતોએ જણાવ્યું હતું. હવામાન વિભાગની આગાહી મુજબ પાટણ સહિત પંથકમાં વરસાદી માહોલ થતાં ખેડૂતો આનંદો જોવા મળ્યો હતો.

વરસાદ વચ્ચે શહેરમાં ટ્રાફિક જામ
શહેરમાં વરસાદને લઇ શહેરના રેલવે ગરનાળામાં પાણી ભરાઈ જતા યુનિવર્સિટી રોડનો એક જ મુખ્ય માર્ગ શરૂ રહેતા ફાટક બંધ થયા બાદ હાઇવે પર લાંબુ ટ્રાફિક જામ થયુ હતું. 2 કલાકથી વધુ વાહન ચાલકો ટ્રાફિક જામમાં ફસાતા મુશ્કેલીમાં મૂકાયા હતા.

વડલો ધરાશાયી થતા 3 દુકાનોને નુકસાન
શહેરમાં બુકડી ચોક વિસ્તારમાં ભારે વરસાદના પગલે વર્ષો જૂનો ઘટાદાર વડલો ધરાશાયી થતા નીચે આવેલી ત્રણ દુકાનનોને ભારે નુકસાન થયુ હતુ, જોકે સદનસીબે રાત્રે વડલો ધરાશાયી થતાં જાનહાનિ ટળી હતી.

સાંજે 8 વાગ્યાથી સવારે 8 વાગ્યા સુધીના વરસાદ વરસાદના આંકડા