રાજ્યમાં કેટલાંક સમયથી રોડ અકસ્માતોની સંખ્યા દિવસેને દિવસે વધી રહી છે. ત્યારે આજે વહેલી સવારે લીંબડી હાઈવે પર કાનપરા પાસે ખાનગી લક્ઝરી બસ અને ટ્રક વચ્ચે ગમખ્વાર અકસ્માત સર્જાયો છે.
Previous Next આ ઘટના વિશે મળતી માહિતી પ્રમાણે સુરેન્દ્રનગરના લીંબડી અમદાવાદ હાઈ-વે પર આજે વહેલી સવારે એક ગમખ્વાર અકસ્માત સર્જાયો છે. ખાનગી લક્ઝરી બસ અને ટ્રક વચ્ચે ધડાકાભેરની અથડામણમાં 2 લોકોના કમકમાટીભર્યા મોત થયા છે, જ્યારે બે લોકો ઘાયલ લોકોને તાત્કાલિક સ્થાનિક લોકોની મદદથી લીંબડી હોસ્પિટલમાં સારવાર આપવામાં આવી રહી છે. લીંબડી હાઈવે પર કાનપરા પાસે આ ગમખ્વાર અકસ્માત થયો છે.
સ્થાનિક લોકોની મદદથી જાણવા મળી રહ્યું છે કે ખાનગી બસમાં 30થી વધુ મુસાફરો સવાર હતી. તે સમયે ખાનગી બસ અને ટ્રક વચ્ચે અકસ્માત થયો છે. જેમાં એક વ્યક્તિનું ઘટનાસ્થળે અને અન્ય એક વ્યક્તિનું સારવાર દરમિયાન મોત થયું છે. આ ઘટનાને પગલે હાઈવે પર જાક્કાજામ થયો હતો.
ઇજાગ્રસ્તોને સારવાર માટે લીંબડી સિવિલ હોસ્પિટલ ખાતે ખસેડવામાં આવ્યા હતા. આ બનાવના કારણે બગોદરા લીંબડી પાણશિણા હાઇ-વે પર ટ્રાફિક જામના દ્રશ્યો સર્જાયા હતા. પરંતુ પાણશિણા પોલીસ ઘટના સ્થળે પહોંચીને મામલો હાથમાં લીધો હતો..
HBN TV NEWS
