મંગળવારે જાહેર થશે ધોરણ 10નું પરિણામ, બોર્ડની વેબસાઇટ પર જોઈ શકશો રિઝલ્ટ
આવતીકાલે એટલે મંગળવારે ધોરણ 10નું પરિણામ જાહેર થશે. વિદ્યાર્થીઓને કોઈ અસુવિધા ઉભી ન થાય તે માટે શિક્ષણ વિભાગે પણ તૈયારી બતાવી છે. વિદ્યાર્થીઓ આવતીકાલે સવારે 8 વાગે શિક્ષણ વિભાગની વેબસાઈટ પર ઓનલાઇન પરિણામ જોઈ શકશે.
ગાંધીનગર શિક્ષણ બોર્ડ દ્વારા આવતીકાલે (મંગળવારે) ધોરણ-10નું પરિણામ જાહેર કરવાનું હોવાથી તમામ તૈયારીઓ પુરી કરી લેવામાં આવી છે. ધોરણ-10ના વિદ્યાર્થીઓ વહેલી સવારે 8 વાગ્યાથી શિક્ષણ વિભાગની વેબસાઈટ www.gseb.org પર ઓનલાઈન પરિણામ જોઈ શકાશે. પરિણામ પછી માર્કશીટના વિતરણની તારીખ જાહેર કરાશે.
નોંધનીય છે કે, રેગ્યુલર 8 લાખ 40 હજાર વિદ્યાર્થીઓએ ધોરણ 10ની પરિક્ષા આપી હતી અને 2 લાખ 25 હજાર રિપિટર વિદ્યાર્થીઓએ પરિક્ષા આપી હતી. આમ આ વર્ષે ધોરણ 10માં કુલ 10.83 લાખ વિદ્યાર્થીઓ પરીક્ષા આપી હતી.
અજયસિંહ ચૌહાણ બ્યુરો ચીફ પંચમહાલ
