ફિલ્મ ‘સિટીલાઈટ્સ’થી એકબીજાની નજીક આવ્યા હતા
બંનેએ એકબીજાને કર્યો છે ખૂબ જ સપોર્ટ
11 વર્ષના પ્રેમસંબંધને આપ્યું લગ્નનું નામ
રાજકુમાર રાવે ગર્લફ્રેન્ડ પત્રલેખા સાથેના પોતાના 11 વર્ષ જૂના પ્રેમ સંબંધને લગ્નનું નામ આપ્યું છે. સોમવારે બંનેએ ચંદીગઢના એક આલીશાન રિસોર્ટમાં લગ્ન કરી લીધા. દુલ્હન બનેલી પત્રલેખા લગ્નના પોશાકમાં ખૂબ જ સુંદર દેખાઈ રહી હતી. સાથે જ પત્રલેખાએ લગ્નમાં જે ઓઢણી ઓઢી હતી, એમાં પણ તે પોતાના પ્રેમનો સંદેશ આપી રહી હતી.
પત્રલેખાનું પૂરું નામ પત્રલેખા પોલ છે અને તે બંગાળી છે. લગ્ન પછી તરત જ બંનેએ પોતપોતાના ઇન્સ્ટાગ્રામ એકાઉન્ટ પર લગ્નની તસવીરો શેર કરી હતી. આ તસવીરોમાં રાજકુમાર અને તેની પત્ની પત્રલેખા ખૂબ જ સુંદર લાગી રહ્યાં છે. બંને ફેશન ડિઝાઇનર સબ્યસાચીના ડિઝાઇન કરેલા કપડાંમાં જોવા મળ્યા હતા. પત્રલેખાએ સુંદર લાલ સાડી પહેરી હતી અને તેની સાથે લાલ રંગની નેટની ઓઢણી ઓઢી હતી.
ઓઢણી પર લખાવ્યો હતો બંગાળીમાં મંત્ર
આ ઓઢણી પર બંગાળીમાં એક મંત્ર લખવામાં આવ્યો હતો જે સાચા પ્રેમ વિશે છે. તેનો હિન્દીમાં અર્થ થાય છે… ‘હું મારા પ્રેમથી ભરપૂર હૃદય તમને સમર્પિત કરું છું…’ લગ્નના પોશાક પર પ્રેમ ભરેલો મેસેજ લખવાની આ એક સારી રીત છે.
લગ્ન બાદ બંને સ્ટાર્સે પોતાની તસવીરો ઈન્સ્ટાગ્રામ પર શેર કરી હતી. પોતાના લગ્નની તસવીરો શેર કરતા રાજકુમારે લખ્યું, ‘આખરે 11 વર્ષના પ્રેમ, રોમાંસ, મિત્રતા અને મસ્તી પછી, આજે મેં મારી દરેક વસ્તુ સાથે લગ્ન કરી લીધા… મારો આત્મા, મારી સૌથી સારી મિત્ર, મારો પરિવાર. આજે મારા માટે તમારો પતિ થવાથી વધુ મોટી કોઈ ખુશી નથી પત્રલેખા.’
પત્રલેખાએ તેની પોસ્ટમાં લખ્યું, ‘મેં આજે મારી દરેક વસ્તુ સાથે લગ્ન કરી લીધા છે; મારો બોયફ્રેન્ડ, મારો પરિવાર, મારો આત્મા સાથી… છેલ્લા 11 વર્ષથી મારો શ્રેષ્ઠ મિત્ર! તમારી પત્ની બનવાથી મોટી કોઈ લાગણી નથી!’
પત્રલેખા પોલ અને રાજકુમાર રાવ બંનેએ સિટીલાઇટ્સ ફિલ્મથી બોલિવૂડમાં પ્રવેશ કર્યો હતો. જો કે રાજકુમાર રાવ આ પહેલા પણ ફિલ્મમાં જોવા મળ્યા હતા, પરંતુ ‘સિટીલાઈટ્સ’થી બંનેને ઓળખ મળી. ફિલ્મમાં પત્રલેખા અને રાજકુમાર બંનેની એક્ટિંગની ખૂબ પ્રશંસા કરવામાં આવી હતી. આ ફિલ્મ માટે પત્રલેખાને ‘બેસ્ટ ફિમેલ ડેબ્યૂ’નો એવોર્ડ પણ મળ્યો હતો.
HBN TV NEWS
