આજે સાંજે 7.30 વાગ્યાથી દુબઈમાં, આ બંને ટીમો માટે કરો યા મરોનો મુકાબલો

ભારતની ટી-20માં ન્યૂઝીલેન્ડ વિરુદ્ધ જીતની ટકાવારી સૌથી ઓછી.

રવિવારે જ્યારે દુબઈ ઈન્ટરનેશનલ સ્ટેડિયમમાં ભારત અને ન્યૂઝીલેન્ડને ટીમ સામ-સામે હશે તો આ બંને ટીમો માટે કરો યા મરોનો મુકાબલો હશે. ભારત અને ન્યૂઝીલેન્ડ વચ્ચે 11 મેચો રમાઈ છે અને તેમાંથી ભારતે માત્ર ત્રણમાં જીત મેળવી છે.

ભારતે ન્યૂઝીલેન્ડને વર્લ્ડ કપમાં 18 વર્ષ અગાઉ હરાવ્યું હતું. 2007ના ટી-20 વર્લ્ડ કપમાં ભારતીય ટીમ ચેમ્પિયન બની હતી ત્યારે એકમાત્ર ન્યૂઝીલેન્ડની ટીમ એવી હતી જેણે ભારતને હરાવ્યું હતું. આ વર્લ્ડ કપમાં ભારત સામે ઘણી મુશ્કેલીઓ છે. રવિવારે પ્રથમ મુકાબલામાં અફઘાનિસ્તાન અને નામીબિયા ટકરાશે. બંને ટીમો ઈન્ટરનેશનલ ક્રિકેટમાં પ્રથમવાર એકબીજા સામે રમશે.

વિલિયમ્સનના ભારત વિરુદ્ધ 11 મેચમાં 325 રનઃ

બોલ્ટ ભારતીય ટોપ ઓર્ડરને 12 વખત પેવેલિયન પરત મોકલી ચૂક્યો છે

સોઢીએ 12 મેચમાં 7.53ની એવરેજથી 17 વિકેટ ઝડપી

શમીને ટ્રોલ કરનાર લોકો પર ભડક્યો કોહલી, કહ્યું- ધર્મના આધારે ટાર્ગેટ કરવું સૌથી ખરાબ
ભારતીય કેપ્ટન વિરાટ કોહલીએ શમીને ટ્રોલ કરનારને ફટકાર લગાવી હતી. તેણે કહ્યું કે,‘કોઈને ધર્મના આધારે ટાર્ગેટ કરવો સૌથી ખરાબ ઘટના છે. અમે 200% શમીના સમર્થનમાં છીએ. અમારા ભાઈચારા કે મિત્રતાને કોઈ તોડી શકે નહીં. દેશ માટે શમીનો જુસ્સો અવિશ્વસનીય છે. અમે જે કરીએ છીએ તે રમત માટે હોય છે. લોકો સોશિયલ મીડિયા પર પોતાની ઓળખ છુપાવી ખેલાડીઓને ટ્રોલ કરે છે. આવા લોકો પોતાના જીવનના નિમ્ન સ્તરે હોય છે. આવા લોકોમાં આત્મવિશ્વાસની ઉણપ હોય છે.’