નોટિંઘમ ટેસ્ટના બીજા દિવસે ભારતે મેચ પર પોતાની પકડ મજબૂત કરી લીધી છે. ભારતની પ્રથમ ઈનિંગના 329 રનના જવાબમાં ઈંગ્લેન્ડ તેની પ્રથમ ઈનિંગમાં 161 રનમાં ઓલઆઉટ થઈ ગઈ. હાર્દિક પંડ્યાએ પોતાના ટેસ્ટ કરિયરનું શ્રેષ્ઠ પ્રદર્શન કરતા 5 વિકેટ ઝડપી હતી. હાર્દિક ઉપરાંત ઈશાંત શર્માએ 2, જસપ્રીત બુમરાહ અને મોહમ્મદ શમીએ 1-1 વિકેટ લીધી. પ્રથમ ઈનિંગના આધારે ઈંગ્લેન્ડ પર 168 રનની લીડ મેળવી.
ઈંગ્લેન્ડ માટે સૌથી વધુ સ્કોર જોઝ બટલર (39)એ બનાવ્યો. બટલર સિવાય ઈંગ્લિશ ટીમનો કોઈપણ બેટ્સમેન મેચમાં પોતાનો પ્રભાવ છોડી શક્યો નહીં. બટલર ઉપરાંત ઈંગ્લેન્ડના ટૉપ 6 બેટ્સમેનો ડબલ ફિગર સુધી પહોંચ્યા પણ તેમાનો કોઈ મોટો સ્કોર બનાવી શક્યો નહીં. ઈંગ્લેન્ડે પોતાની તમામ વિકેટો એક જ સત્ર (બીજા)માં ગુમાવી દીધી.
આજે બીજા દિવસે ઈંગ્લેન્ડની ઈનિંગ શરૂ થયા બાદ તેના ઓપનર્સે વિના વિકેટે સ્કોરને 50 રનની પાર પહોંચાડી દીો. પણ લંચ બાદ ઈશાંત શર્માને બોલિંગ આપવામાં આવી અને તેણે બીજી ઓવરમાં એલિસ્ટર કુક (29)ને આઉટ કરી લીધો. તેના પછીની ઓવરમાં બુમરાગે કીટોન જેનિંગ્સ (20)ને પણ આઉટ કરી દેતા ઈંગ્લેન્ડનો સ્કોર 2 વિકેટે 54 રન થઈ ગયો. ત્યારબાદ ઑલી પોપે ટીમને સંભાળવાના પ્રયત્નો કર્યા પણ 21 રન બાદ જ ઈશાંતે પૉપને આઉટ કરી ઈંગ્લેન્ડને મુશ્કેલીમાં મુકી દીધું.
બાદમાં કોહલીએ હાર્દિક પંડ્યાને બોલિંગ સોંપી અને તેણે પ્રથમ ઓવરમાં ઈગ્લેન્ડના કેપ્ટન જો રૂટને આઉટ કરી લીધો. બાદમાં હાર્દિકે એક પછી એક ચાર વિકેટો ઝડપી મેજબાન ટીમની કમર તોજી નાખી. આ દરમિયાન બુમરાહ 2 અને શમીએ 1 વિકેટ ઝડપી. હવે ટીમ પાસે બીજી ઈનિંગમાં સારો સ્કોર બનાવી ઈંગ્લેન્ડને પડકારભર્યો ટાર્ગેટ આપવાની તક છે.
બાદમાં કોહલીએ હાર્દિક પંડ્યાને બોલિંગ સોંપી અને તેણે પ્રથમ ઓવરમાં ઈગ્લેન્ડના કેપ્ટન જો રૂટને આઉટ કરી લીધો. બાદમાં હાર્દિકે એક પછી એક ચાર વિકેટો ઝડપી મેજબાન ટીમની કમર તોજી નાખી. આ દરમિયાન બુમરાહ 2 અને શમીએ 1 વિકેટ ઝડપી. હવે ટીમ પાસે બીજી ઈનિંગમાં સારો સ્કોર બનાવી ઈંગ્લેન્ડને પડકારભર્યો ટાર્ગેટ આપવાની તક છે.
અગાઉ ભારતે પોતાના ગઈકાલના 6 વિકેટે 307 રનના સ્કોરથી આગળ રમવાની શરૂ કર્યું અને ટીમ માત્ર અડધો કલાકની અંદર જ ઑલઆઉટ થઈ ગઈ. ભારતે ગઈકાલના પોતાના સ્કોરમાં 22 રન જોડ્યા અને 4 વિકેટ ગુમાવી દીધી. ઈંગ્લેન્ડ તરફથી જેમ્સ એન્ડરસન, સ્ટુઅર્ટ બ્રોડ અને ક્રિસ વોક્સે 3-3 જ્યારે આદિલ રાશિદે 1 વિકેટ ઝડપી.
