ધોરણ-૧૨, વિજ્ઞાન પ્રવાહના ઉમેદવારોની માર્કશીટ અને પ્રમાણપત્રના વિતરણની તારીખ હવે પછી જાહેર કરવામાં આવશે.
સુરત:શનિવાર: ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ, ગાંધીનગર દ્વારા માર્ચ-૨૦૨૦માં લેવાયેલી ઉચ્ચતર માધ્યમિક પ્રમાણપત્ર પરીક્ષા, ધોરણ-૧૨, વિજ્ઞાન પ્રવાહના ઉમેદવારોનું પરિણામ તા.૧૭/૦૫/૨૦૨૦, રવિવારના રોજ સવારના ૮-૦૦ કલાકે બોર્ડની વેબસાઈટ www.gseb.org પર ઓનલાઈન પ્રસિધ્ધ કરવામાં આવશે. જેની વાલીઓ/વિદ્યાર્થીઓ/આચાર્યશ્રીઓ તથા તમામ સંબંધિતોએ નોંધ લેવી. વધુમાં ધોરણ-૧૨, વિજ્ઞાન પ્રવાહ માર્ચ, ૨૦૨૦ ના ઉમેદવારોની માર્કશીટ અને પ્રમાણપત્રના વિતરણની તારીખ હવે પછી પ્રસિધ્ધ કરવામાં આવશે, તથા ગુણચકાસણી/દફતર ચકાસણી, ગુણતુટ તથા પરિણામ જમા કરાવવા વગેરેની સુચનાઓનો પત્ર અલગથી પ્રસિધ્ધ કરવામાં આવશે જેની નોંધ લેવા નાયબ નિયામક (પરીક્ષા), ગુ.મા.અને ઉ.મા.શિ.બોર્ડ, ગાંધીનગરની યાદીમાં જણાવાયું છે.
