IPL 2023 ની છેલ્લી લીગ મેચ ગુજરાત ટાઇટન્સ અને રોયલ ચેલેન્જર્સ બેંગ્લોર વચ્ચે રમાઈ હતી, જેમાં RCBના વિરાટ કોહલીએ પ્રથમ બેટિંગ કરતા સદી ફટકારી હતી અને ત્યારબાદ રનનો પીછો કરતા ગુજરાત ટાઈટન્સના બેટ્સમેન શુભમન ગિલે અણનમ સદી ફટકારી પોતાની ટીમને જીત અપાવી હતી. બીસીસીઆઈના પૂર્વ અધ્યક્ષ સૌરવ ગાંગુલી શુભમન ગિલની આ ઈનિંગથી ખૂબ જ પ્રભાવિત દેખાયા અને ગુજરાતના બેટ્સમેનના જોરદાર વખાણ કર્યા.
RCB અને ગુજરાત વચ્ચે રમાયેલી મેચમાં બેંગ્લોરે પ્રથમ બેટિંગ કરતા 20 ઓવરમાં 5 વિકેટે 197 રન બનાવ્યા હતા. રનનો પીછો કરતા ગુજરાત ટાઇટન્સે 19.1 ઓવરમાં મેચ જીતી લીધી હતી. ગુજરાતની આ જીતમાં ટીમ માટે ઓપનર બેટ્સમેન શુભમન ગીલે મહત્વની ભૂમિકા ભજવી હતી. તેણે 52 બોલમાં 5 ચોગ્ગા અને 8 છગ્ગાની મદદથી 104* રનની ઇનિંગ રમી હતી. આ પહેલા ગિલે હૈદરાબાદ સામે રમાયેલી મેચમાં સદી ફટકારી હતી.
આ ઈનિંગ બાદ પૂર્વ ભારતીય કેપ્ટન સૌરવ ગાંગુલીએ ગિલની બંને સદીની પ્રશંસા કરી હતી. દાદાએ ટ્વિટ કરીને લખ્યું, “આ દેશ કેટલી પ્રતિભા પેદા કરે છે.. શુભમન ગિલ.. વાહ.. બે ભાગમાં બે શાનદાર ઇનિંગ્સ.. IPL.. ટૂર્નામેન્ટમાં શું ધોરણો છે.” આ ટ્વીટમાં ગાંગુલીએ BCCIને પણ ટેગ કર્યું છે.
What talent this country produces .. shubman gill .. wow .. two stunning knocks in two halves .. IPL.. .. what standards in the tournament @bcci
— Sourav Ganguly (@SGanguly99
IPL 2023માં શુભમન ગિલ શાનદાર ફોર્મમાં જોવા મળ્યો હતો. તેણે 14 લીગ મેચોમાં 56.67ની એવરેજ અને 152.47ની સ્ટ્રાઈક રેટથી 680 રન બનાવ્યા. આ દરમિયાન તેણે 2 સદી અને 4 અડધી સદી ફટકારી હતી. ત્યાં તેણે 67 ચોગ્ગા અને 2 છગ્ગા ફટકાર્યા હતા.
જણાવી દઈએ કે શુભમન ગિલ ગુજરાત ટાઇટન્સ તરફથી સદી ફટકારનાર પ્રથમ બેટ્સમેન બન્યો છે. ગિલે 15 મેના રોજ સનરાઇઝર્સ હૈદરાબાદ સામે રમાયેલી મેચમાં 101 રનની ઇનિંગ રમી હતી. ગિલની આ પ્રથમ આઈપીએલ સદી તેમજ ગુજરાત ટાઇટન્સ માટે પ્રથમ સદી હતી
