કુખ્યાત અને રીઢા આરોપી વિજય જેઠવાને ક્રાઈમ બ્રાન્ચે ઝડપી પાડી બે રેમ્બો છરા, બે મોબાઈલો અને નંબર વગરની સ્પેન્ડર મોટરસાઈકલ સહીત રૂ. 89 હજારનો મુદ્દામાલ કબજે કરી કતારગામ પોલીસ મથકમાં નોંધાયેલા મોબાઈલ સ્નેચીંગના ગુનાનો ભેદ ઉકેલી કાઢયો છે.
સુરત શહેરમાં વઘી રહેલા ગુનાઓને અટકાવવા સુરત શહેરની ક્રાઈમ બ્રાન્ચ પોલીસનો સ્ટાફ પેટ્રોલીંગ હતો. તે દરમિયાન મળેલી બાતમીના આધારે લુંટ, લુંટની કોશિષ, મારામારી, મોબાઈલ સ્નેચીંગ, જેવા વિવિધ અને અસંખ્ય ગુનાઓને અંજામ આપનારા રીઢા અને માથાભારે કામરેજના નંદન રેસીડેન્સીમાં ભાડેના મકાનમાં રહેતા આરોપી વિજય ધીરૂભાઈ જેઠવાને ઝડપી પાડયો હતો.પોલીસે તેની પાસેથી નંબર વગરની સ્પેન્ડર મોટરસાઈકલ, બે મોબાઈલ તથા બે રેમ્બો છરા સહીત કુલ રૂ. 89,000 નો મુદ્દામાલ કબ્જે કર્યો હતો.
પોલીસે આરોપીની કડક પુછપરછ કરતાં બે પૈકીના એક મોબાઈલ સ્નેચીંગનો કતારગામ પોલીસ મથકમાં નોંધાયેલો ગુનોનો ભેદ ઉકેલી કાઢયો છે.રીઢો આરોપી વિજય જેઠવા શહેરના વરાછા, કતારગામ, પુણા, સરથાણા, કાપોદ્રા, મહીધરપુરા, ઉપરાંત ખેરગામ પોલીસ મથકમાં વાહનચોરી, ધાડની કોશિષ, મોબાઈલ સ્નેચીંગ, મારામારી જેવા વિવિધ ગુનાઓમાં પકડાઈ ચુકયો છે. ઉપરાંત વર્ષ – 2020 માં પાસા અટકાયતી તરીકે પાલનપુર જેલમાં પણ સજા ભોગવી ચુકયો છે.

HBN TV NEWS